من طرف Belal الأربعاء 02 أبريل 2008, 8:03 pmالدنيا دي اية ؟
كان مرة في اربعة قاعدين متسامرين
كان قاعد ديب و تعلب و معاهم أرنبين
و فوسط السهرة سألوا :
الدنيا تطلع اية ؟
قام رد الديب و قال :
الدنيا دية غابة
مليانه بناس ديابه
وفيها ناس غلابه
يا عيني مظلومين !
القوي بيعمل شيف
بيطبخ الضعيف
و يروح يجيب رغيف
و يغمس لقمتين
قام رد التعلب قال :
يا بني الدنيا حاجتين
عقل و دماغ صاحيين
تنشن علي الفريسة
و تعرف تاكلها منين
تحسسها بأمان
و تدوقها الحنان
وتحبها كمان
إن شالله لو يومين
و يبقي كده خالصين
انتهي دور الإخلاص
تسويها بمزاج
و تاكاها زي الناس
و اللي يتبقي منك ,
تلفه في القرطاس
عشان تكله بعدين
قام قال الأرنبين :
يا جماعة الدنيا جنة
مليانة بأرض خضرا
نفطر منها و نتغدي
ونشيل منها لبكرة
و نفضل نتنطط فيها
احنا ومعانا الأسرة
و نحمدربنا ع النعمة
ونبقي متهنيين
و فجأة هم الديب علي أرنب م الإتنين
وكلوه هو و التعلب وبقوا مبسوطين
قام هرب التاني و بكي و هَمهِم بكلمتين :
الدنيا فعلا غابة
مليانة تعالب و ديابة
و الأرانب فيها غلابة
يا عيني متاكلين
يا عيني مظلومين , يا عيني مظلومين
تأليف:
أمنيه حسام
