من طرف ahmed hassan الثلاثاء 09 سبتمبر 2008, 1:56 pmحابب أحكي حكاية أبطالها إتنين جيران صاحب و صاحبه فرق بينهم الزمان
من أول يوم ولاده لأ مش فاكر ده كان بعيد كمان
من أول يوم مدرسة وانت يا صاحبي أمان
كنا بنحلم بنجاح وتفوق ومجموع جنان
ومع أول سنه مرت الأيام وارتحنا من هم الشنطه والواجب كمان
ووصلنا لحد ثانوي والإختيار خلاني زهقان
قلبي يقولي علمي وصاحبي يقولي أدبي وأهلي يقولوا إستخير الرحمن
أعمل ايه يا ربي علمي ولا أدبي والواحد بقى حيران
وخلاص خلصنا ثانوي وبمجموع كمان ودخلنا جامعة هايلة
وشوفنا أشكال والوان
محاضرة ولا سكشن ولا قهوه ونقعد مع ناس كتيرة الكلام
وتليفون يدخل في نومي ما تصحى يابني النتيجة النهارده هتبان
واخدنا البكالوريوس وفرحنا بالأمان
ودقت ساعة الصفر إجمع ورقك يا قفل وإطلع على الجيش أوام
هي سنه وهتعدي وبعدها الحياة هتكون وردي وكانت أول مره أبعد عنك يا صاحبي ومن مكتب لمكتب وبصوت عالي يكئب
مبروك انت جندي وطوابير صباح وليل ونمره على السرير
وحياة شغالة تمشي وتقابل ناس كثير
فيهم الكويس والوحش واللي بيتمنالك الخير والأيام عدت بسرعة وخلاص بقيت يا دفعه إنسان غير القديم
وأخرج أوام تقول الشغل هيناديك تلف كتير وتتعب شركه تقولك خبره وشركة تقولك جبرنا وشركه تقولك أهلا بيك والشغل معانا ماشي ونقول هما سنتين ناخد فيهم الخبرة ونطلع علطول على الغربة وأه ه ه ه ه من كلمة غربة
على قد ما تدينا يا صاحبي بتاخد منا وعمرها ما تنسينا يا صاحبي اللي ما بينا
أيامنا الحلوه وحكاوينا وسهر ليلنا
وبلف شوارع وبشوفها وبحنلها والنيل ياما شاف من صحبتنا أحلى أيام
واهو شاهد دايما يا صاحبي على أحلى كلام
بتمنى يا صاحبي ترجع بينا الأيام وما يحكمش عليا قدري يا صاحبي بفراق وألالام
واتمنى أعيش وياك أيام غير الأيام .
من أول يوم ولاده لأ مش فاكر ده كان بعيد كمان
من أول يوم مدرسة وانت يا صاحبي أمان
كنا بنحلم بنجاح وتفوق ومجموع جنان
ومع أول سنه مرت الأيام وارتحنا من هم الشنطه والواجب كمان
ووصلنا لحد ثانوي والإختيار خلاني زهقان
قلبي يقولي علمي وصاحبي يقولي أدبي وأهلي يقولوا إستخير الرحمن
أعمل ايه يا ربي علمي ولا أدبي والواحد بقى حيران
وخلاص خلصنا ثانوي وبمجموع كمان ودخلنا جامعة هايلة
وشوفنا أشكال والوان محاضرة ولا سكشن ولا قهوه ونقعد مع ناس كتيرة الكلام
وتليفون يدخل في نومي ما تصحى يابني النتيجة النهارده هتبان
واخدنا البكالوريوس وفرحنا بالأمان
ودقت ساعة الصفر إجمع ورقك يا قفل وإطلع على الجيش أوام
هي سنه وهتعدي وبعدها الحياة هتكون وردي وكانت أول مره أبعد عنك يا صاحبي ومن مكتب لمكتب وبصوت عالي يكئب
مبروك انت جندي وطوابير صباح وليل ونمره على السرير
وحياة شغالة تمشي وتقابل ناس كثير
فيهم الكويس والوحش واللي بيتمنالك الخير والأيام عدت بسرعة وخلاص بقيت يا دفعه إنسان غير القديم
وأخرج أوام تقول الشغل هيناديك تلف كتير وتتعب شركه تقولك خبره وشركة تقولك جبرنا وشركه تقولك أهلا بيك والشغل معانا ماشي ونقول هما سنتين ناخد فيهم الخبرة ونطلع علطول على الغربة وأه ه ه ه ه من كلمة غربة
على قد ما تدينا يا صاحبي بتاخد منا وعمرها ما تنسينا يا صاحبي اللي ما بينا
أيامنا الحلوه وحكاوينا وسهر ليلنا
وبلف شوارع وبشوفها وبحنلها والنيل ياما شاف من صحبتنا أحلى أيام
واهو شاهد دايما يا صاحبي على أحلى كلام
بتمنى يا صاحبي ترجع بينا الأيام وما يحكمش عليا قدري يا صاحبي بفراق وألالام
واتمنى أعيش وياك أيام غير الأيام .
