حفله الاسره

ياريت لو تعرفوا تجيبوا حفله الاسره على المنتدى للى عاوز يحملها عنده
و على فكره الحفله كانت جامده و مجهودكم فيها واضح باستثناء حاجات صغيره عدت عليكم بس مش مشكله

حقيقي كل واحد يكتب رأيه واللي معجبهوش وقريبا الحفلة علي اسطوانات

مثلا انكوا تكرموا معيده ملهاش لزمه فى القسم و تسيبوا واحده خلصت الماجيستير و خلاص حتكون دكتوره
و ان كل دكاترة قسم نبات موجودين و دكتور من قسم الفيزياء يقول الكلمه نيابه عن رائد الاسره اللى هو قسم نبات
وفى ناس كانوا عاملين شغل معاكوا و ماتكرموش
دى ملاحظاتى بس الحفله كانت حلوه جدا

انتي عندك حق بس هو ده الدكتور الوحيد اللي وافق انه يطلع نيابة عن الدكتور محمد توفيق زائد انه صاحبه جدا . اما بالنسبة لموضوع التكريمات انتي عندك كل حق بس التكريمات دي اتكتبت قبل الحفل بساعة وفوجئنا ان ما فيش شهادات كفاية حتي ان النقيب شريف قائد الحرس كان لازم يتكرم فمليناله ورقة فاضية (والله ده حصل) بس انتي عندك حق خاصة في كام اسم كان لازم يتكرموا . احمد يوسف نفسه اللي عمل الجمعية وقدم الحفلة واكتر واحد تعب ما اتكرمشي.

بأمانة المسرحيات اللي اتقدمت غير هادفة بالمرة هي فكاهة بس مش هادفة وما كانش ينفع تتقدم في مكان جامعي
بس هي الحفلة كانت حلوة

انا مينفعشى اقول راي فى الحفله بس انا بشكر تلاته تعبوا اوى فى كل حاجه خاصه بالحفله اولهم احمد يوسف وبلال واحمد حسن ربنا يكرمهم

شكرا ياهند
و مرسي يا نجوي



الرحله يوم السبت الي بعد الجاي لدريم

شكرا يا هند انتي ونجوي علي ردودكم . الحفلة حاليا علي اسطوانات وعزرا لعدم الكفاءة العالية للصوت بسبب الصوت العالي في المدرج .يا جماعة انا عايز اشكر جدا جدا الطالبة اللي قالت قصيدة بغداد لاتتألمي لفاروق جويدة بصراحة كانت من افضل فقرات الحفلة بس ما اخدتشي حقها

حفلتنا كانت عباره عن نهايه أربع سنوات اعتبرناهم رحله

كرمنا فيها ناس وقفت معاناوان كنانسينا حد فجل من لا يسهوا

وياريت تبعتولى رأيكم فى قصيده الطالبه أسماء سلامه

جميله جدا يا عبد الله وعلى فكره انا اتفرجت على الحفله اربع مرات فعلا جميله واحلى ما فيها انا طبعا

طبعا

اسطوانتك يا نجوى انا اديتها لعبير يوم الأربعاء

مفيش صور هو فيديو وممكن تاخدي منه صور بالموفي ماكر حتي اللي اتصور بعد الحفلة كان فيديو

اعزائي الأعضاء العاملين والمشتركين في هذا المنتدى اود ان اقول رايي بصراحة وارجوا من سيادتكم تفهم الموضوع بجدية..بما انك وصلت الى المرحلة الجامعية فهذا يعني انك على قدر عالي من النضج والوعي وايضا تستطيع ان تدير امورك بحكمة وعقل فقد لاحظ عدد كبير من الطلاب حركات كثيرة على المسرح اشخاص يصعدون واخرون ينزلون وسرعة رهيبة في الحركات من اشخاص لايدخلون في العمل المقام على المسرح وخاصة من البنات ماتزعلوش مني بجد بس انتي انسة وبطبيعتك الهدوء في حركاتك وايضا الشباب اما بالنسبة للحفل فقد دل اداء بعض الطلاب على ان الحفل تم الاعداد له بسرعة رهيبة في العمل وان الله يحب اذاعمل احدكم عمل ان يتقنه فحفل كهذا كان يجب ان يعد بتاني اكثر من ذلك ويتم عمل بروفة اكثر من مرة اقصد بذلك ان يكون هناك هدوء من قبل الاشخاص العاملين في الحفل اكثر من ذلك فلا داعي لخروج اشخاص ليس لهم علاقه بالعمل الذي يتم على المسرح امابالنسبة للتكريم فليس لكم اي احقية في عدم تكريم الدكتورة اسماء والأشخاص الحضور لايقولون ان الوقت كان غير كافي لاعداد الشهادات وانما يقولون فلان تكرم وغيرة يستحق التكريم ولم يكرم ورغم ذلك فلا يجب ان ننسى جهودكم الرائعة في هذا الحفل فشكر الله لكم هذا العمل الرائع وجعله في ميزان حسناتكم ارجو من سيادتكم تفهم الموضوع ولا تؤخذ اي كلمة بحساسية شديدة

عندك حق بس لم نستطيع الحصول علي مدرج الاحتفالات قبلها لوجود محاضرات والحفلة كان بيعد لها والناس قاعدة في المدرج اما بالنسبة للدكتورة اسماء فباقي المعيدات اللي اتكرموا شاركوا بمجهودات لايعلمها احد وجزاهم الله عليها كل خير وشكرا جدا علي هذا النقد البناء وعزرا لمن لم يتكرم بس هقول حاجة ويارب محدش يزعل اللي اتكرم يعني ما اخدشي جائزة الدولة التقديرية دي من اسرة لسه مبتدئة وجزاكي الله كل خير

كل اللي معاهم فيزياء الترم ده بيقول الجملة دي كلام سليم جدا جدا جدا