من طرف Belal الإثنين 18 أغسطس 2008, 12:06 amالمدخن شخص شديد الأهمية للأقتصاد القومى !
لا يمكن تتصور بيوت قد اية مفتوحة على حس التدخين و بياكلو عيش على قفا المدخنين !
مصانع السجائر :
عمال و ميكانيكية و موظفين و مديرين , عالم كامل بيسترزق و عايش على الأنفاس اللى بتحرق صدرك دى.
القطاع الطبى :
دكاترة السرطان و الربو و باقى الأمراض الصدرية , و الأجزخانات و بياعين أنابيب الأكسجين , كلهم بياكلو - او حياكلو - حيش على حسك , و على حس اهل بيتك اللى انت بتبوظ صحتهم معاك !
الحانوتية و التربية :
و المقرئين و السفرجية و محلات الفراشة بيسترزقوا كويس من ضحايا التدخين , سواء من المدخنين أهل بيوتهم !
مصانع السجاد :
كل سيجارة بتنطفى فى الأرض بتحرق سجادة , و المصنع بيبيع واحدة جديدة بدالها !
مصانع الملابس :
هى مجرد طفية سيجارة على اى بنطلون , و باب رزق ينفتح للترزية الغلابة
شركات الدعاية :
دول بقة بتتفتح مواهبهم فى اكبر تحدى ! تخيل متعة الأنتصار الصعب لو كان مطلوب منك تعمل حملة دعاية تخلى الناس تشرب سم فيران بدل الببس ! و تنجح !
شركات التأمين :
اى مندوب بيفحم رجل الأعمال لو مش راضى يعمل بوليصة تأمين ضد الحريق : يا باشا , دى سيجارة بتاعة غفير صعيدى ممكن تطيرلك المصنع بحالة !
طفيات الحريق :
ما هى الحريقة اللى بيعملها عقب السيجارة بتعوز حد يبنى و يصلح اللى انت حرقتة
