من طرف fanta الإثنين 04 أغسطس 2008, 8:33 pmمبدأيا قبل ما تقروا الموضوع بنات او ولاد
الموضوع للتهريج و الهزار
مع انى بنت لكنه عجبنى
و ياريت مافيش بنات تزعل منى
احنا بنهرج واهى تيجى مننا احسن ما تيجى منهم
هذه كلمات مترجمة للغة البنات
نعم = لا
لا = نعم
ممكن = إستحالة
أنا آسفة = سامحنى على إللي هيحصل
أنا محتاجة موبايل جديد = هاتلي موبايل وإلا 000
القرار قرارك يا حبيبى = ابقى ورينى شطارتك وانا حوريك حعمل فيك ايه
إعمل اللي إنت عاوزه يا حبيبى = هتدفع الثمن غاااااالي
عاوزين نتناقش فى موضوع = عاوزة بس أعرفك أنا هعمل إيه
لا عادي أنا مش زعلانة = وحياة أمك لتشوف
إنت زى القمر اليوم = إيه القرف ده ؟؟ يا شيخ روح إحلق دقنك
خليك رومانسي واطفي النور = نام بقى واتخمد زهقتني
أنا عاوزة شوية عفش فى البيت = أنا هغير عفش البيت كله
أنا باسمع صوت مزعج وأنا نايمة = إنت بتشخر وانت نايم يا لوووح
أنا هاكون جاهزة فى دقيقة يا حياتي = إقلع هدومك واتفرج على الفيلم أنا قدامي ساعة
في حاجات لازم نتعلمها فى حياتنا = لازم تتعلم توافق على كل كلامى
إنت سامعنى يا حبيبى؟ = إنت أطرش مش بانادي عليك يابارد
إنت بتحبني يا حبيبي ؟ = ما انا عارفة !! إدفع بقى
لو عملت حاجة يا حبيبى لازم أعرف = أنا هطلع عينك لو عرفت عنك حاجة
إنت بتحبني قد إيه يا حبيبى = أنا عملت مصيبة سوده النهاردة
